Ufficio Lingua Sarda - UFÌTZIU DE SA LÌNGUA SARDA
Su Comunu de Domus de Maria fait sciri
Portalitu de Lìngua Sarda
Su Comunu de Domus de Maria, in parti a su progetu "Chistionaus su Sardu in sa Costera Sulcitana" Gonnesa cabufila, ponit a isciri chi est obertu su Portalitu de Lìngua Sarda. Un'operadori est a disponimentu po atendi su pùblicu d-ònnia lunis dae is 8:00 a is 15:00.
Est una faina finantziada dae sa L482/1999 pro s'amparu de is lìnguas localis e sa L.R. 22/2018 a pitzus de sa polìtica linguistica regionale po amparai e avalorai su sardu e po nd'incorai e nd'afortiai s'imperu in d-ònnia logu de sa vida pùblica, a primìtziu dae is logus de s'Aministratzioni.
Cali funt is fainas de "su Portalitu": tradutzioni e curretzioni de iscritus in sardu, avisus e àutus de sa Aministrazioni Comunali e atras comunicatzionis fintzas dae atoris socialis e sòtzius de su logu. In prus, s'operatori est a disponimentu de chini si siat po a agiudai a iscriri, furriai e iscrarai cali chi siat iscritu o fràsia de àutus pùblicus e/o privaus, e po atendi a is bisòngius de is chi bolint iscriri in sardu arrispetendi is normas.
Su Portalitu arricit a sa moda "Traballu dae domu" - Home Working in cunforma a is inditus de seguresa contras a s'ispàinu de su Covid-19.
Si podit incarai a su servìtziu iscriendi a inlingua.sardinia@gmail.com
Su Assessori a sa Cultura
Davide Monni
Su Sìndigu
Maria Concetta Spada
